day off

هو "الساعه 7:30 يا نهار اسود انا اتأخرت على الشغل"

هى "انت كل يوم تقوم متأخر وتقرفنا طب افطر الأول "

هو"مش هلحق اعمليلى كوبايه شاى بسرعه"

هى " ماشى ومتنساش تاخد الواد معاك  المدرسة"

هو"طب خليه ينجز عشان انا متأخر اوى"

هى"طيب و الشاى عندك على الترابيزه ".

هو " اوبس بتقوليلى بعد ما اتدلق .. هو اليوم باين من اوله"



هو"ركب العربيه وقعد الواد جمبه  كأنه مخاصمه "

الولد"سوق براحه يا بابا انا خايف"

هو" اسكت مش عاوز اسمع صوتك .. العيال .. واللى بيخلفوهم "

الولد "حاسب يا بابا"

هو"ااااااااااااااه"

الواد "انت بخير يا بابا"

"بابا .. بابا"

وده كان day off

**************************************
هو "الساعه 7:30 يا نهار ابيض انا اتأخرت على الشغل"

هى "طب افطر الأول "

هو"مش هلحق يا حبيبتى  اعمليلى كوبايه شاى "

هى " حاضر ومتنساش تاخد الواد معاك  المدرسه"

هو" هوديه طبعا "

هى" الشاى عندك على الترابيزه ".

هو "هشربه لما يبرد "

هى" انا عملت السندوتشات للواد "

هو"ركب العربيه وقعد الواد جمبه يالا يا جميل نهارنا عسل  "

الولد"صباح الفل يا بابا"

هو" صباح الجمال يا حبيبى  "

الولد "حاسب يا بابا"

هو"ااااااااااااااه واخد بالى  السواق ده مجنون بيعدى الملف بالسرعه دى ازاى"

الواد "الحمد لله يا بابا"

هو"طبعا الحمد لله"

وده كان day on

**************************************



متخليش حالتك النفسيه  مرتبط بالأحداث  او بالظروف 

 خليها نابعه من ذاتك لانها شئ ثابت وكل من حولك فهم متغيرات 

و انا عن نفسى  كل يوم هصحى مبسوط لان 

 هموم  الدنيا ديا ,,عمرها مهتأثر فيا

**تمت **